الاشاعات
شيئ اساسى فى حياة المصريين والاشعات موجودة فى كل دول العالم بس المصريين تفوقوا على العالم كلة فاحنا اكتر ناس بطلع اشاعات وتصدقها مش بس كدة دة احنا كمان بنزود عليها من عندنا وكل واحد لازم يضيف حتة على الاشاعة او الحكاية تعالوا بقى مع بعض نفتكر اهم واغرب الاشاعات اللى عرفناها
اول واهم اشاعة واخطر اشاعة كانت اشاعة موت الريس
طلعت اشاعة ان الريس تعبان جدا واتكل على الله (هوة فية رئيس بيموت ) وناس كتيير اوى صدقت الكلام دة واتقال برضة انة بيتعالج فى المانيا ومات فيظهر ان الريس قلق فراح افتتح مشاريع فى الصعيد ورغم كدة برضة فية ناس قالت لا دة مش الريس دى حاجات متسجلة لية
والاشاعة دى خدت وقت كبير وعملت قلق وقواضى ف المحاكم والحمد لله الريس صحتة بومب والريس قال فى احدى خطبة فى مجلس الشعب انا هحكم مصر لاخر نفس فى حياتى
تانى اشاعة بتاعة الحمام بتاع المللك فاروق
سمعنا والحكاية دى بتتحكى كتيير ان الملك فاروق كانت صحتة حديد عارفين لية ؟
لانهم كان بيجبوا الحمام ويضربوا فى الخلاط ويعصروا والملك يشرب (عصير حمام يعنى )
بس محدش سال نفسة هوة نوع الخلاط كان اية؟ توشيبا ولا كان بيشجع المنتج الاجنبى ؟
تالت اشاعة بتاعة نانسى والكلب
طلعت اشاعة ان نانسى عجرم طلعت فى برنامج تلفزيونى وقالت انها عندها كلب فى البيت فسالها المذيع اسمة اية قالتلة محمد
فقالها انا عندى كلبين واحد اسمة نانسى والتانى عجرم وطلعت نانسى كدبت الكلام دة
الللا يغيظ فى الموضوع انك لو سالت واحد على الكلام دة يقولك ايوة حصل وشوفتة بعينى او واحد صاحبى شافة
ويحلفك ان واحد صاحبة او قريبة شافة
رابع اشاعة الونش اللى اتسرق من ميدان التحرير
والاشاعة دى للامانة انا كنت مصدقها لحد ما قريت عنها كويس
كان بيتقال انة فى الفترة اللى كانوا بيعملوا فيها المترو كان موجود ونش كبير بتاع 4 او 5 ادوار كدة
كان موجود فى ميدان التحرير
ناموا وصحيوا مالقوش الونش وناس طلعت قالت انة اتسرق وناس قالت ان الجن خدوة وكلام كتيير اتقال فى الموضوع دة
بس طلع فى النهاية ان الونش دة دخل مصر على الورق بس يعنى الفلوس اتدفعت والونش مجاش يعنى اتسرق برضة
يارب يكون الموضوع عجبكم والموضوع لية تكملة ان شاء الله
الاشتراك في:
تعليقات الرسالة (Atom)
المشاركات
عندك حق ياعمرو للاسف احنا شعب ثرثار وبيحب الكلام زي عنيه وموضوع الاشاعات ده بيجي من ان واحد بيعمل نفسه فهلوي لما يتفرج علي برنامج او نشرة ويفهم حاجة غلط او يستنتج حاجة من كلام المذيع وطبعا بيحب يعمل نفسه متابع ومجرم في الثقافة وينقل للناس استنتاجاته الخطيرة اللي اتوصل اليها وطبعا ده يقول لده وده لده وهكذا وده كله نتيجة سوء فهم
ردحذفكلام سليم
ردحذفاحنا شعب فاكر نفسة فاهم الدنيا كلها
وبنحب نعرف كل حاجة وكماننقل الكلام
بنحب ننقل الكلام اوى مش بس كدة بنحورة ونزود علية
والمشكلة ان احنا بنصدق الاشاعات دى من غير مانحكم عقلنا ودة الاخطر
ولسة بقى لما نخش على اشاعات الجن والعفاريت
الله يخليك بلاش السيرة ديه انا بخاف جدا من الموضوع ده وبالنسبة للشعب فاحنا للاسف بنكدب الكدبة ونصدقها كمان
ردحذفاولا انا عايزة اشكرك على المدونة الجامدة دى
ردحذفثانيا انت اخترت موضوع هام جدا عند الشعب المصرى عارف يعنى اية الشعب المصرى يعنى شعب الفضايح والاشاعات وبجد الناس اول لما تسمع اى اشاعة تصدق وخلاص من غير اى اهتمام وكل الناس بتضجك على بعض وللاسف الناس بتصدق دةوالله يرحم شعب مصر
جااااااامد يا اهلاوى
ردحذفعلى فكرة مصر مصدر اشاعات منذ فجر تاريخها يعنى من ايام الفراعنة وكان فى كام اشاعة كدة كانو زمان بس انا مش فاكرة دلوقتى
بس الناس بتقول الاشاعات دى ليه ؟؟؟؟؟؟؟؟؟
اولا لانهم مش بيكونو عارفين الحقيقة وبيدورو عليها وفى الاخر يطلعو اى كلام عشان الناس تسكت
ثانيا الفضا اللى هما فيه يعنى سايبين مشكلهم ورايحين يدورور على مشاكل الناس طب خليكم فى نفسكم وبلاش رغى ........
ربنا يستر وميطلعوش اشاعة عليك انك قتلت شوبير ههههههههههههههه
ـــــــتحياتىــــــmo2a
ياريييييييييييييييييت
ردحذفدة شرف ليا انى اخلص مصر من واحد زية
ولو الاشاعة دى طلعت هبقى اسعد انسان ف العالم
شكرا ليك يا احمد
انتا نورت المدونة والله
طب أحنا ممكن نفكر مع بعض
ردحذفالاشاعات عشان مين؟
ليه فى اشاعه؟
ليه الناس بتصدقها؟
طب لو كانت مصدقها فعلا ليه بتزود عليها ؟
ليه توقيت الاشعاعه كان فى الوقت ده بالذات؟
اللة اللة عليك بجد يا عمرو انت فنان ما هي الحاجات الحلوة دي متجيش الا من الناس الحلوة الاهلوية
ردحذفالله يخليك
ردحذفالاهلاوية كلهم حلويين
بالنسبة بقى لتوقيت الاشاعة والكلام دة
الاشاعات دى بتيجى بظروفها
والناس بتصدقها عشان مش بتفكر فيها
ولو فكرنا مش هنصدقها اساسا لان معظم الاشاعات متخلفة وينقصها الحبكة اللى تخلينا نصدقها واحنا متاكدين
وبنزود عليها لان دى عادة بتجرى ف دم الشعب المصرى كلة
لازم نزود على الاشاعة او الحكاية وكل واحد يحط بصمتةعليها
ههههههههههههههههههههه
ردحذفحلوة اوي موضوع البصمة بص اعتقد والله اعلم في موضوع البصمة ده انك مثلا يا اهلاوي قلتلي حاجة وبعد ما انت خلصت اروح انا ارغي مع اي حد واقوله شوفت اللي حصل كذا كذا كذا وطبعا في احتمال كبير لتزويد كلام او نقص كلام وديه حاجة عفوية المهم اهي الكلمة اللي اتحطت او اللي نقصت بتسبب ازمة وممكن تغير معني في الموضوع كله وبعد ما انا قلت للحد ده هو راح يقول لحد تاني وحب مثلا انه يوصل الموضوع باسلوب مختلف ويحط وجهة نظره طبعا كالعادة علشان يعمل فيها فتك ومن ده لده تلاقي الموضوع وصلك انت تاني بس ايه حاجة اخر جمال غير اللي انت قلته خالص