اى حزب فى الدنيا او اى مؤسسة او اى جمعية تنظيم اسرة حتى غالبا بيبقى ليها شعار
محدش سال نفسة اية شعار الحكومة المصرية المبجلة ؟؟؟؟؟؟؟؟؟؟؟؟؟؟
بعد التدقيق والتمحيص ولو ان الامر مش محتاج اساسا الحمد لله عرفت شعار الحكومة المصرية (اطال اللة عمرها)
شعار الحكومة هوة &&خصخص بيع هنخلص على كل المشاريع&&
وقبل ماحد يحاول يفكر الشعار دة صح ولا غلط يسال نفسة سؤال واحد
احنا كشعب بنملك اية فى ابلد دية ؟؟؟؟؟؟؟؟؟؟؟؟؟؟؟؟؟؟؟؟؟
وفاضل اية ما اتبعاش للمستثمريين وكلة يهون عشان خاطر عيونا
عمر افندى اتخصخص واتباع برخص التراب ونص شركات ومؤسسات البلد اتخصخصت
بس المصيبة بقى انهم بيفكروا يخصخصوا المستشفيات بتاعة الغلابة زى مستشفى الرمد وهيبيعوا اراضى ملك لوزارة الصحة وكمان فندق معهد ناصر وهياجروا مستشفى ام المصريين وغيرها الكتييييييييييييييييييييييير
كل دة لية عشان يوفروا فلوس التامين الصحى
الناس دى بتتعب عشانا والله
اسمعوا بقى السيناريو الحلو دة وركزوا اوى
وزير الصحة عايز فلوس عشان التامين الصحى فراح لحبيب الشعب ومعشوق الملايين السيد الاستاذ الدكتور يوسف بطرس غالى وزير المالية (اللى كل يوم يطلع بقانون ضرايب جديد بكرة يعمل ضرايب على العيش اللى مش لاقينة)
ما علينا بطرس غالى قالة مفيش فلوس الازمة المالية ماثرة علينا جامد(لو تفتكروا كل المسؤلين فى مصر قالوا ان الازمة ملهاش تاثير علينا)فطبعا السيد وزير الصحة خاف على التامين الصحى بتاع الغلابة فقال نبيع كام حتة ارض كدة اولها مرفق الاسعاف اللى فى وسط البلد وكام حتة ارض على النيل ف سوهاج وكمان ناجر المستشفيات للمستثمرين العرب بالذات
وقام السيد محمود محيى الدين وزير الاستثمار متكرما ومشكورا بعقد ملتقى الاستثمار مع عدد من رجال الاعمال وقالهم ان السيد وزير الصحة بيعرض عليكم اراضى وحاجات حلوة كدة عشان اللى عايز يشترى
وكلة دة عشان يوفروا الفلوس بتاعة التامين الصحى
شفتوا بقى قد اية الوزارء والمسؤلين بيتعبوا عشان يريحونا واحنا بنتبطر على النعمة
يا جماعة انا بالنيابة عنكم بعتذر للحكومة المصرية وكل الوزراء والمسؤلين عشان احنا ظلمناهم
وربنا يعينهم ويقويهم دول بيتعبوا عشانا وكلة يهون عشان مصر وعظيمة يا مصر يا ارض اللوا
الاشتراك في:
تعليقات الرسالة (Atom)
المشاركات
انا معاك يعمرو ربنا معاهم وهما عرفين مصلحنا فين ومدام هيستمر الوضع ع هذا الحال يبقي الحمد لله وغظيمه يمصر يارض اللوا ويستمــــــــــــــر الانحدار
ردحذفههههههههههههههههههههههه
ردحذفماشى يا عم المنحدر
اكيد الانحدار مستمر للابد
الموضوع جامد بس خف شويا من المواضيع دي
ردحذفلية
ردحذفالموضوع مفيهوش شتيمة ولا غلط فى اى حد
هو فعلا يا عمر الموضوع جامد ومفهوش شتيمه ولا حاجة بس شديد وتقيل وانا احيك عليه بس قبل كده بلاش نتوسع فى المواضيع ديه علشان ماتجيش على دماغنا فى الاخر هههههههههههههههههههههههه
ردحذفبص يا عمر اكيد عمر افندى اتباع وغيرة وغيره لو فضلوا يبعوا فى بلدنا كده مش هيقدروا يبعوا شعبها الاصيل الكريم وطول مامصر فيها الشعب المصرى هتفضل مصر حتى لو اتباعت كلها
وخاف على نفسك شويه
samar
لا لا اكتب ياعمرو احنا مش بنعمل حاجة غلط يا سمر ولا بنخاف احنا للاسف محلتناش غير الكلام ولا حتي الكلام هيبقي كتير علينا بالنسبة ليك ياعمرو انا عن نفسي وراك ومعاك مهما كانت الاخرة ايه والسؤال اللي نفسي اسأله ياشباب احنا لنا نكبر ان شاء الله وكل واحد فينا تبقاله اسرته الخاصة بيه تفتكرواالانحدار هيوصل لحد فين او ايه خراب اكتر من كده ممكن نشوفه وعقبال لما نكبر وكل واحد يبقي عنده طفلين وتلاتة ايه اللي هيبقي ناقص يتباع اعتقد ان الدور جاي علينا احنا وتلاقي الوزرة بيتناقشوا علي التسعيرة اللي يحتوها لينا ويبقي تعالي قرب قرب واحد مصري للبيع وعليه اتنين هدية مجانية الحق العرض قبل نفاذ الكمية وربنا يسترها معانا وعلينا
ردحذفههههههههههههههههههههه
ردحذفانتى بتسخنينى يا سارة ولا اية
عايزة تخلصى منى
ماشى يا ستى
وفعلا يا سمر لو باعوا كل حاجة مش هيقدروا يبيعونا
ولو عايزينى اقلل من المواضيع السياسية الحادة
اققل
براحتكم المدونة دى مش بتاعتى
المدونة دى بتاعتنا كلنا
يعنى لو انا اتمسكت هجيبكم معايا
هههههههههههههههههههههههههههههه
هههههههههههه انت عايز تودينا فى داهية ولا ايه
ردحذفيا اهلاوى المهم ما علينا ....
يا بنى مصر كلها خلاص اتباعت للمستثمرين ورجال اعمال اوروبا والعرب كل الشركات سواء كهربة او اتصالات او مياه وهو مفضلش خلاص غير حبة مستشفيات على حبة شركات صغيرة اللى فاضلة
وربنا يستر لحسن ميخصخصوش التموين وميكونش فيه دعم كمان ويخصخصو العيش وبعد كدة ناكل مع الفراخ ههههههههههههههه
مدونتك جاااااااااااااامدة يا اهلاوى
ــــــتحياتىـــــــmo2a
نورت يا باشا
ردحذفهيخصخصوا التموين ممكن
بس نلاقى العيش الاول
ولما نلاقية يخصخصوا براحتهم بقى